Aþreying

Fjölbreytt afþreying er í boði á Óbyggðasetrinu. Gestirnir hafa tækifæri til að bregða sér á hestbak, leigja fjallahjól og halda í styttri sem lengri gönguferðir. Þá er gaman að draga sig á kláf yfir Jökulsá í Fljótsdal við eyðibýlið Kleif, skammt innan við setrið.

Gönguferðir

Um Óbyggðasetur Íslands liggur göngugátt að stærstu óbyggðum Norður-Evrópu og merktar leiðir setursins tengjast gönguleiðaneti Vatnajökulsþjóðgarðs, stærsta þjóðgarðs Evrópu. Um Egilsstaði lágu fornar þjóðleiðir og á seinni árum var þar miðstöð hreindýraeftirlits. Svæðið er víðáttumikið og lítt kannað af almenningi. Víða á svæðinu er líklegra að rekast á hreindýr en menn.

Meðal gönguleiða er svonefnd Fossaganga sem liggur frá Óbyggðasetrinu, inn dalinn og þaðan upp á hálendið. Leiðin er gríðarlega falleg og liggur meðfram mikilfenglegum fossum, gljúfrum, gegnum birkiskóg og endar við heitar baðlaugar við Laugarfell.. Fossagangan hefst við Óbyggðasetur Íslands í Norðurdal í Fljótsdal. Þaðan er um 6 klukkustunda þægileg ganga um afar fallegt svæði meðfram Jökulsá í Fljótsdal. Áin rennur víða í gljúfrum og vestan hennar er Kleifarskógur, náttúrulegur birkiskógur sem gaman er að fara um. Nokkrar líkur eru á að rekast á hreindýr á leiðinni. Þegar inn á hásléttuna er komið bíða göngufólks náttúrulaugar við nýjan og glæsilegan fjallaskála við Laugarfell. Fyrir þá sem vilja ganga niður í móti er ágætt að byrja við Laugarfell og ganga niður að Óbyggðasetrinu.

Hestaferðir

Hægt er að skipuleggja ferðir frá klukkustund up í marga daga. 

Við höfum rekið ævintýrahestaferðir um árabil og njótum þess að deila þeirri ástríðu með gestum okkar. Hestarnir eru valdir með það fyrir augum að tryggja jafnt ánægju sem öryggi knapanna.  

Stjörnuskoðun

Hér má njóta stjörnubjartra nótta og töfra norðurljósanna fjarri ljósmengun í einstakri stjörnuskoðunarstöð.

Fjallahjól

Fyrir þá sem kjósa hjólhest fram yfir reiðhest þá höfum við nokkur fjallahjól til leigu. 
Umhverfis Óbyggðasetrið eru margar skemmtilegar fjallahjólaleiðir.
Fyrir næturgesti okkar er leigan að kostnaðarlausu.

 

Veiðar

Óbyggðasetrið er vel staðsett fyrir margskonar veiðar. 

Frá Óbyggðasetrinu er stutt í ár og vötn fyrir stangveiðar. Einnig erum við nálægt góðum veiðisvæðum fyrir gæsir og hreindýr.  

Join our mailing list for special offers and news updates.

Join our mailing list to receive the latest news and updates from Center

You have Successfully Subscribed!

Pin It on Pinterest